विहिरी साठी 4 लाख रुपये अनुदान जुन्या विहीरी दुरुस्ती साठी 01 लाख रुपये अनुदान..
विहिरी साठी 4 लाख रुपये अनुदान ; सिंचनासाठी सरकारकडून मोठे अनुदान दिले जात आहे. नवीन विहीर साठी 4 लाखापर्यंत तसेच जुन्या विहीरी दुरुस्ती करण्यासाठी 1 लाख रुपये अनुदान दिले जाणार असल्याचा महत्त्वाचा निर्णय राज्य सरकारने घेतला आहे. तसेच दोन सिंचन विहीरी मध्ये अंतराची अट रद्द करण्यात आली आहे.
विरसा मुंडा कृषी क्रांती योजनेचे निकष सुधारले ; विहिरी, शेततळे, वीज जोडणीसाठी भरीव अनुदान बिरसा मुंडा कृषी क्रांती योजनेचे निकष सुधारून विहिरी, शेततळे, वीज जोडणी आदींसाठी भरीव अनुदान देण्याचा निर्णय आज झालेल्या मंत्रिमंडळ बैठकीत घेण्यात आला. बैठकीच्या अध्यक्षस्थानी मुख्यमंत्री एकनाथ शिंदे होते. (विहिरी साठी 4 लाख रुपये अनुदान)
आता सुधारित निर्णयानुसार नवीन सिंचन विहिरीस 4 लाखांपर्यंत तर जुन्या विहिरींच्या दुरुस्तीस 1 लाखांपर्यंत अनुदान देण्यात येईल. पूर्वी हे अनुदान अनुक्रमे अडीच लाख आणि पन्नास हजार एवढे होते. इनवेल बोअरिंगसाठी आता 40 हजार तसेच यंत्रसामुग्रीसाठी 50 हजार रुपये आणि परसबागेकरिता 5 हजार देण्यात येईल. नवीन विहिरींबाबत 12 मिटर खोलींची अट रद्द करण्यात आली आहे.
(विहिरी साठी 4 लाख रुपये अनुदान) तसेच दोन सिंचन विहिरींमधील 500 फूट अंतराची अट सुद्धा रद्द करण्यात आली आहे. शेततळ्याच्या प्लास्टिक अस्तरीकरणासाठी सध्या 1 लाख रुपये अनुदान देण्यात येते आता ते प्रत्यक्ष खर्चाच्या 90 टक्के किंवा 2 लाख यापेकी जे कमी असेल ते देण्यात येईल. त्याचप्रमाणे तुषार सिंचनासाठी सध्या 25 हजार रुपये देण्यात येतात. आता तुषार सिंचन संच 47 हजार रुपये किंवा प्रत्यक्ष खर्चाच्या 90 टक्के अनुदानापैकी जे कमी असे ते अनुदान देण्यात येईल.
अशाच प्रमाणे ठिबक सिंचन संचासाठी अल्प, अत्यल्प व बहुभूधारकांना 97 हजार किंवा ठिबक सिंचन संचाच्या प्रत्यक्ष खर्चाच्या 90 टक्क्यांपैकी जे कमी असेल ते अनुदान देण्यात येईल. याशिवाय इतरही अनेक निकषांमध्ये आवश्यक त्या सुधारणा करण्यात आल्या आहेत. (विहिरी साठी 4 लाख रुपये अनुदान)
