प्रधानमंत्री मानधन योजना ; शेतकऱ्यांना दरमहा 3000 रुपये मिळणार
प्रधानमंत्री मानधन योजना ; प्रधानमंत्री किसान सन्मान योजनेच्या माध्यमातून केंद्र सरकार पात्र शेतकऱ्यांच्या खात्यावर तीन हप्त्यांमध्ये 6,000 रुपये पाठवते. आतापर्यंत 17 हप्त्यांची रक्कम म्हणजेच 34 हजार रुपये शेतकऱ्यांच्या खात्यावर पाठवण्यात आले आहेत.
पंतप्रधान किसान सन्मान योजनेप्रमाणेच प्रधानमंत्री किसान मानधन योजनाही शेतकऱ्यांसाठी महत्त्वाची आहे. पीएम किसान मानधन योजनेच्या माध्यमातून शेतकऱ्यांना वयाच्या 60 वर्षांनंतर दरमहा 3 हजार रुपये पेन्शन मिळणार आहे. ही योजना नेमकी काय आहे? आम्ही या योजनेच्या अटी आणि शर्ती जाणून घेणार आहोत, योजनेचा लाभ घेण्यासाठी काय करावे लागेल.
PM किसान मानधन योजना म्हणजे नक्की काय?
पीएम किसान मानधन योजनेच्या माध्यमातून शेतकऱ्यांना वयाच्या 60 वर्षांनंतर मासिक 3000 रुपये पेन्शन दिली जाते. ही योजना ऐच्छिक असून शेतकऱ्यांना 55 ते 200 रुपये जमा करावे लागतील. वयाची 60 वर्षे पूर्ण केल्यानंतर शेतकऱ्यांना दरमहा 3 हजार रुपये मिळतात.
या योजनेसाठी नागरी सुविधा केंद्र किंवा राज्य नोडल अधिकारी यांच्याकडून मोफत नोंदणी करता येईल. 18 ते 40 वयोगटातील शेतकऱ्यांना वयाच्या 60 व्या वर्षापर्यंत 55 ते 200 रुपये प्रीमियम भरावा लागेल. या योजनेत केंद्र सरकार शेतकऱ्यांकडे पैसेही जमा करणार आहे. या योजनेसाठी अर्ज करणाऱ्या शेतकऱ्यांकडे 2 हेक्टरपेक्षा कमी शेती असणे आवश्यक आहे. सरकारी आकडेवारीनुसार 20 लाखांहून अधिक शेतकऱ्यांनी या योजनेसाठी नोंदणी केली आहे.
